Back حليب اللوز Arabic বাদাম দুধ Bengali/Bangla Llet d'ametlla Catalan Llaeth almon Welsh Mandelmælk Danish Mandelmilch German Γάλα αμυγδάλου Greek Almond milk English Migdallakto Esperanto Leche de almendra Spanish
Amandelmelk is 'n melkagtige drank wat van fyngemaalde amandels gemaak word. Anders as dieremelk, bevat amandelmelk geen cholesterol of laktose nie en kan dit as 'n plaasvervanger vir dieremelk gebruik word in baie resepte.
In die Middeleeue was amandelmelk bekend in beide die Islamitiese wêreld en die Christendom; aangesien amandels afkomstig van die amandelboom is, kon die neute, en produkte waarvan die neute 'n bestanddeel vorm, tydens vasting genuttig word. Amandelmelk was ook 'n stapel in middeleeuse kombuise omdat koeimelk nie lank gehou het voor dit suur geword het nie en dus byna dadelik gebruik was om botter of kaas te maak.
Die Viandier, 'n 14de eeuse resepteboek, bevat 'n resep vir amandelmelk en stel voor dat dit as 'n plaasvervanger vir dieremelk gebruik word tydens vasting.
Voor die Chinese Burgeroorlog was amandelmelk meer algemeen as sojamelk in Taiwan.
Kommersiële amandelmelkprodukte is verkrygbaar in gewone, vanielje of sjokolade geure en word gereeld met vitamiene verryk. Dit kan ook tuis gemaak word deur fyngemaalde amandels met water in 'n versapper te meng. Vanielje en versoeters kan ook bygevoeg word.